कोभिड-१९: दक्षिण एशियामा दुई हजार जना संक्रमित, २८ को मृत्यु
<p>काठमाडौं। कोभिड-१९ को प्रभाव नेपाल लगायतका दक्षिण एशियाली देशहरूमा पनि परेको छ। १३ चैत मध्यान्हसम्म २८ जनाको मृत्यु भइसकेको छ। दुई हजार १ जना संक्रमित भएका छन्। </p>
<p>सबैभन्दा बढी संक्रमित पाकिस्तानमा भएका छन्। www.worldometers.info का अनुसार पाकिस्तानमा अहिलेसम्म एक हजार ९३ जना संक्रमित भएका छन्। पाकिस्तानमा ८ जनाके ज्यान गइसकेको छ।</p>
<p>त्यसपिछ सबैभन्दा बढी प्रभावित भारतमा छन्। आज दिउँसोसम्म ६६५ जना संक्रमित भइसकेका छन्। दक्षिण एशियामा सबैभन्दा बढी व्यक्तिको मृत्यु भने भारतमा भएको छ। भारतमा १३ जनाको मृत्यु भइसकेको छ।</p>
<p>जम्मा ३९ जना संक्रमित भएको बांग्लादेशमा पाँच जनाको ज्यान गइसकेको छ। यो मृत्युदर करीब २० प्रतिशत हो, जुन कोभिड(१९ को औषत मृत्युदर भन्दा निकै धेरै हो। </p>
<p>८४ जना संक्रमित भएको अफगानिस्तानमा दुई जनाको मृत्यु भएको छ। श्रीलंका, माल्दिभ्स्, नेपाल र भुटानमा अहिलेसम्म कसैको पनि मृत्यु भएको छैन।</p>
<p>यी चार देशमध्ये सबैभन्दा बढी श्रीलंकामा १०२ जना, त्यसपछि क्रमशस् माल्दिभ्समा १३, नेपालमा तीन र भुटानमा २ जा संक्रमित भएका छन्। सबैभन्दा कम संक्रमित भएका भुटानमा दुवै जना विदेशी नागरिक हुन्। </p>
<p><br />
</p>
प्रतिक्रिया दिनुहोस्
.jpg)
