वागमती प्रदेशको कोभिड-१९ कोषमा १५ दिनको तलब जम्मा गर्ने नेकपा सांसदहरूको निर्णय
<p>हेटौंडा। वागमती प्रदेशको कोभिड-१९ कोषमा नेपाल कम्युनिस्ट पार्टी (नेकपा) प्रदेश सभा सांसदहरूले आधा महीनाको तलब जम्मा गर्ने भएका छन्।</p>
<p>नेकपा वागमती प्रदेश संसदीय दलले वागमती प्रदेश सरकारले स्थापना गरेको कोभिड-१९ रोकथाम, नियन्त्रण तथा उपचार कोषमा सो रकम जम्मा गर्ने निर्णय गरेको हो।</p>
<p>विश्‍वव्यापी महामारी बनेको कोरोना भाइरस संक्रमणको जोखिम नियन्त्रण र प्रतिकार्यका लागि प्रदेश सभा सदस्यहरुले पाउने सेवा सुविधाबाट १५ दिनको रकम कोषमा जम्मा गर्ने निर्णय गरिएको नेकपा संसदीय दलका मुख्य सचेतक केशवराज पाण्डेले जानकारी दिए।</p>
<p>वागमती प्रदेश सभामा नेकपाका ८० सांसद छन्।</p>
<p>यसअघि प्रदेशका मुख्यमन्त्री डोरमणी पौडेलको अध्यक्षतामा ११ चैतमा बसेको बैठकले १० करोडको कोभिड-१९ आपतकालीन कोष खडा गर्ने निर्णय गरेको थियो।</p>
<p>कोषमा मुख्यमन्त्री पौडेलसहित अन्य मन्त्रीहरुले एक महीनाको तलब जम्मा गर्ने घोषणा गरेका छन्।</p>
<p>प्रमुख प्रतिपक्षी नेपाली कांग्रेसका सदस्यहरूले पनि ७ दिनको रकम जम्मा गर्ने निर्णय गरेका छन्।</p>
प्रतिक्रिया दिनुहोस्
.jpg)
