डिस्चार्ज भइन लन्डनमा कोभिड-१९ सँग जुधिरहेकी नेपाली महिला
<p>काठमाडौं। १० दिन सेल्फ आइसोलेसनमा बस्दा कोभिड-१९ को लक्षण देखिएपछि अस्पताल भर्ना भएकी भगवती रानाभाट निको भएर अस्पतालबाट डिस्चार्ज भएकी छन्।</p>
<p>नेपालको लमजुङ स्थायी ठेगाना भएर बेलायतको लन्डनमा बस्दै आएकी रानाभाट १५औं दिनमा अस्पतालबाट डिस्चार्ज भएकी हुन्। </p>
<p>१३औं दिनको दिन रानाभाटले आफूलाई कोभिड-१९ ले असह्य पीडा दिएको र यसको संक्रमण हुनु अघि नै सतर्क हुन आग्रह गरेकी थिइन्। फेसबुकमा एक स्टेटस लेख्दै उनले भनेकी थिइन्- ‘मलाई निको होला जस्तो छैन, हजुरहरू सबैलाई विशेष सावधान रहन अनुरोध गर्दछु।’</p>
<p>तर, यसको दुई दिनपछि नै उनी निको भएर डिस्चार्ज भएकी छन्। बेलायत पनि कोभिड-१९ बाट उच्च प्रभावित देशमध्ये पर्छ। त्यहाँ ११ चैतदेखि तीन सातासम्मका लागि लकडाउन गरिएको छ। </p>
<p><strong>पढ्नुहोस्</strong></p>
<p><strong><a href="https://dekhapadhi.com/news/8967" target="_blank">लन्डनमा कोभिड-१९ सँग जुधिरहेकी नेपाली भन्छिन्-‘मलाई निको हाेला जस्ताे छैन, तपाईंहरू सुरक्षित बस्‍नू’</a></strong></p>
प्रतिक्रिया दिनुहोस्
.jpg)
