ट्रमा सेन्टरकाे सेवा घरबाटै पनि लिन सकिने
<p>काठमाडाैं। सरकारले गरेकाे ‘लकडाउन’का कारण आउन नसक्ने बिरामीका लागि राष्ट्रिय ट्रमा सेन्टरले घरबाटै सेवा लिन सक्ने व्यवस्था गरेको छ। </p>
<p>राष्ट्रिय ट्रमा सेन्टर प्रमुख मेडिकल सुपरिटेन्डेन्ट सन्तोष पौडेलका अनुसार कोरोना भाइरसको सम्भावित संक्रमणको जोखिम बढेपछि धेरै अन्य अस्पताल बन्द भए पनि सेन्टरले नियमित सेवा दिने र घरमै पनि परामर्श दिने व्यवस्था गरेको बताए।</p>
<p>“नियमित स्वास्थ्य उपचारको व्यवस्था गरिएकाे छ, कोरोना भाइरस अप्रत्याशित रूपमा आए पनि अस्पतालमा पहिलादेखि नै भर्ना भएका बिरामी र टिकट काटेका बिरामीको उपचार भइरहेकाे छ”, उनले भने, “हामी सरकारी निकाय पनि हो, हामीले सेवा दिनुपर्छ भनेर सेवा रोकेका छैनौं।”</p>
<p>सेन्टरले चोटपटक लागेका बिरामीको शल्यक्रिया सेवा नियमित सञ्चालन गरिरहेको छ। चोटपटक लागेका १२ जनाको आज शल्यक्रिया गरेको छ।</p>
<p>सेन्टरले पहिला शल्यक्रिया गरेका र आउन नसक्ने बिरामीका लागि ०१-४२२५२७५ हटलाइन नम्बरमा बिहान १० बजेदेखि अपरान्ह ४ बजेसम्म सम्पर्क गरेर विशेषज्ञ चिकित्सकबाट पराशर्म दिने व्यवस्था गरेको छ। <em>रासस</em></p>
प्रतिक्रिया दिनुहोस्
.jpg)
