कतार एयरबाट ४ चैतमा काठमाडौं आएका भोजपुरका एक युवक क्वारेन्टाइनमा
<p>भोजपुर। ४ चैतमा कतारबाट जहाजमा नेपाल आएका भोजपुर नेपालेडाँडाका एक युवकलाई क्वारेन्टाइनमा राखिएको छ।</p>
<p>जिल्ला प्रहरी कार्यालय भोजपुरका अनुसार भारत सुनौली भन्सार हुँदै आएका सोही ठाउँका २० वर्षीय एक युवक पनि उनीसँगै क्वारेन्टाइनमा छन्।</p>
<p>कतार एयरवेजको फ्लाइट नम्बर क्यूआर ६५२ बाट नेपाल आएकामध्ये षडानन्द नगरपालिका-१ का २५ वर्षीय युवकलाई स्थानीय गान्धी अस्पतालमा क्वारेन्टाइनमा राखिएको भोजपुरका प्रहरी प्रवक्ता इन्सपेक्टर पाण्डव राजवंशीले जानकारी दिए।</p>
<p>दुवैजनाको स्वास्थ्य अवस्था सामान्य रहेको उनले बताए।</p>
<p>सोही जहाजमा आएकी एक १९ वर्षीया युवतीलाई कोभिड-१९ देखिएपछि उनीसँगै जहाजमा रहेका अन्य यात्रुहरूलाई खोजी गरेर निगरानीमा राखिएको छ। </p>
प्रतिक्रिया दिनुहोस्
.jpg)
