ग्राहकका घरघरमा सामान पुर्याउन डिपार्टमेन्टल स्टोरहरूलाई गृह मन्त्रालयको निर्देशन
<p>काठमाडौं। सरकारले लकडाउनको अवधीमा उपभोक्ताको घरघरमा दैनिक उपभोग्य वस्तु पुर्‍याउन उद्योगी-व्यवसायीलाई निर्देशन दिएको छ।</p>
<p>गृहसचिव महेश्वर न्यौपानेको अध्यक्षतामा बसेको बृहत् बैठकले पसलहरू सञ्चालन, माग संकलन र वितरणका लागि आवश्यक सुरक्षा व्यवस्था मिलाउन महानगरीय प्रहरी कार्यालयलाई निर्देशन दिएको छ। बैठकमा उद्योग वाणिज्य महासंघ, राजधानीमा सञ्चालित सुपरमार्केट, ग्रोसरी र अन्य होलसेल पसल सञ्चालकको पनि उपस्थिति थियो।</p>
<p>काठमाडौं उपत्यकाभित्र सञ्चालनमा रहेका डिपार्टमेन्टल स्टोरहरूलाई घरघरमा पुर्‍याउने व्यवस्था मिलाउन गृह मन्त्रालयको निर्देशन छ। त्यसका लागि आ-आफ्ना डेलिभरी भ्यान डिपार्टमेन्टल स्टोरहरूले प्रयोग गर्न सक्ने छन् । डेलिभरी भ्यानहरूलाई सवारी पासको व्यवस्था सम्बन्धित जिल्ला प्रशासन कार्यालयहरूले मिलाउने भएका छन् । </p>
<p>स्टोरहरूले माग संकलन र वितरण प्रणालीलाई सहज र व्यवस्थित गर्न आ-आफ्नो टोलफ्री नम्बर प्रयोग गर्नु पर्नेछ।</p>
<p>गृह मन्त्रालयले जटिल समयमा कुनै समस्या परे या कालोबजारी, कृत्रिम अभाव सिर्जनालगायत कार्यमार्फत बजारमा आवश्यक उपभोग्य खाद्य वस्तुको अभाव देखिए टोलफ्री नम्बर ११४९ मा फोन गर्न सर्वसाधारणलाई आग्रह गरेको छ ।<br />
</p>
प्रतिक्रिया दिनुहोस्
.jpg)
