Others

गृहपृष्ठ

अमेरिकी राष्ट्रपति डोनाल्ड ट्रम्प र चिनियाँ राष्ट्रपति सि चिनफिङबीच कुराकानी काठमाडौं। अमेरिकी राष्ट्रपति डोनाल्ड ट्रम्प र चिनियाँ राष्ट्रपति सि चिनफिङबीच कुराकानी भएको छ। विश्वमा महामारीका रूपमा फैलिरहेको कोरोना भाइरस (कोभिड-१९) ले अमेरिकामा अहिले सबैभन्दा धेरै संक्रमितको संख्या पुगेको छ। अमेरिकी राष्ट्रपति ट्रम्पले आफ्नो ट्&zwj;विटर ह्यान्डलमार्फत् चिनियाँ राष्ट्रपतिसँग धेरै राम्रो कुराकानी भएको जानकारी दिएका छन्। उनले कोरोना भाइरसको बारेमा विस्तृत छलफल गरिएको प्रष्ट पारेका छन्। उक्त भाइरसले हाम्रो ग्रहका विशाल भागहरू नष्ट गरिरहेको बताउँदै कोरोना भाइरसको विश्वव्यापी रोकथामका लागि अपनाउनुपर्ने सजगता र अन्य विषयमा कुराकानी भएको उनले ट्&zwj;विटमार्फत् जानकारी दिएका हुन्। “चीनले धेरै कुरा गरिरहेको छ र भाइरसको बलियो समझ विकसित गरेको छ,” ट्रम्पले भनेका छन्, “हामी सँगसँगै काम गरिरहेका छौं। हामी एकअर्कोलाई धेरै आदर गर्छौ।” अमेरिकामा कोरोना भाइरस संक्रमितको संख्या बढ्दै जान थालेपछि राष्ट्रपति ट्रम्पले चीनमा नियन्त्रणका लागि गरिएका प्रयासका बारेमा सीसँग कुराकानी गरेको अन्तर्राष्ट्रिय सञ्चारमाध्यमहरूले जनाएका छन्।  अमेरिकामा संक्रमितको संख्या करिब ८५ हजार ५९४ पुगेको छ। भाइरसको उद्&zwj;गमस्थल चीन र इटालीभन्दा अमेरिकामा संक्रमित सबैभन्दा बढी देखिएका छन्। अमेरिकामा पछिल्लो समय नयाँ १५९ संक्रमित फेला परेका छन्।  चीनमा हालसम्म कुल ८१ हजार ३४० संक्रमण देखिएको छ भने इटालीमा संक्रमितको संख्या ८० हजार ५ सय ८९ पुगेको छ। संक्रमित संख्या बढी भए पनि अमेरिकामा मृतकको संख्यामा भने एक हजार तीन सय मात्रै छ। विश्वभरमा अहिलेसम्म पाँच लाख ३२ हजार दुर्इ सय ६३ संक्रमित पुगेका छन्। तीमध्ये २४ हजार ९० को मृत्यु भइसकेको छ भने एकलाख २४ हजार तीन सय ४९ जना निको भइसकेका छन्।