सरकारले स्थापना गरेको उपचार कोषमा ११ करोड ७६ लाख जम्मा
<p>काठमाडाैं। सरकारले स्थापना गरेको कोरोना भाइरस संक्रमण रोकथाम तथा उपचार कोषमा अहिलेसम्म ११ करोड ७६ लाख रूपैयाँ जम्मा भएको छ।</p>
<p>सरकारले कोरोना भाइरसको रोकथामका लागि कोषमा रकम जम्मा गर्न आह्वान गरेको थियो।</p>
<p>प्रधानमन्त्री तथा मन्त्रिपरिषद् कार्यालयका प्रवक्ता राजेन्द्रकुमार पौडेलले कोषमा अझै २० करोड रूपैयाँ आउने क्रममा रहेको बताए। सरकारले कोषमा रकम जम्मा गर्न आह्वान गरेपछि सांसद, कर्मचारी, उद्योगीले जम्मा गरिरहेका छन्।</p>
<p>राष्ट्रपति विद्यादेवी भण्डारीले दुई महीना, प्रधानमन्त्री केपी शर्मा ओली, सभामुख अग्निप्रसाद सापकोटा, राष्ट्रियसभाका अध्यक्ष गणेशप्रसाद तिमिल्सेनाले एक महीना बराबरको रकम उक्त कोषमा जम्मा गरिसकेका छन्।</p>
<p>यसैगरी राजपत्राङ्कित विशिष्ट र प्रथम श्रेणीका कर्मचारीले सात दिनको, राजपत्राङ्कित द्वितीय र तृतीय श्रेणीका कर्मचारीले पाँच दिनको र राजपत्र अनङ्कित र श्रेणीविहीन कर्मचारीले तीन दिनको तलब बराबरको रकम कोषमा जम्मा गर्ने भएका छन्। <em>रासस</em></p>
प्रतिक्रिया दिनुहोस्
.jpg)
