कांग्रेस प्रवक्ताले भने- 'सरकार युद्धस्तरमा उत्र, हामी साथ दिन्छौं'
<p>काठमाडौं। नेपाली कांग्रेसका प्रवक्ता विश्वप्रकाश शर्माले कोभिड-१९ ले ठूलो क्षतिको साइरन बजाइसकेको उल्लेख गर्दै सबैलाई निद्राबाट उठ्न अपील गरेका छन्।</p>
<p>आज ट्वीटमार्फत् शर्माले यस्तो अपील गरेका हुन्।</p>
<p>"सरकारले यतिबेला गरेको लकडाउन इमान्दारितासाथ पालना गरौं, यो हाम्रै लागि हो", उनले ट्वीटरमा लेखेका छन्, "सरकारमा सँगै नभएर पनि सँगै लड्न सकिन्छ, यो हामी सबैको साझा संघर्ष हो।"</p>
<p>संयमसाथ यो अवस्थाको सामना गर्न आह्वान गर्दै उनले लेखेका छन्, "सरकार युद्धस्तरमा उत्र, हामी संयमले साथ दिन्छौं। तब जितिनेछ युद्ध। नत्र ठूलो क्षतिको साइरन बजिसकेको छ।"</p>
प्रतिक्रिया दिनुहोस्
.jpg)
