Others

गृहपृष्ठ

भारतमा अलपत्र १४ नेपाली तीर्थयात्रीको उद्धार झापा। भारतको चेन्&zwj;नईमा अलपत्र १४ नेपाली तीर्थयात्रीको आज उद्धार गरिएको छ। कोभिड-१९ को स&zwnj;ंक्रमणकाे जाेखिमका कारण भारतको चेन्&zwj;नईस्थित नोलाम्बोमा अलपत्र  उनीहरूको उद्धार गरिएको हो। ग्रेटर चेन्&zwj;नई कर्पोरेशनका कमिशनर जी प्रकाश, निःशब्द सेवा चेन्&zwj;नईका संस्थापक ई ए विश्वोनथन, डा&zwj;. नेहा मयुर, फुड बैंक भारतका संस्थापक स्नेहा मोहान्डोसलगायतसँगको सहयोग र सहकार्यमा उनीहरूको उद्धार गरिएको अन्तर्राष्ट्रिय युवा केन्द्र नेपालका अध्यक्ष राजकुमार कट्टेलले जानकारी दिए। “भारतमा रहने मेरा मित्रहरूको सहयोगमा उहाँहरूको उद्धार गरेका छौँ”, उनले भने, “अहिले उहाँहरूको स्वास्थ्य परीक्षणपछि चेन्&zwj;नई सरकारले सुरक्षित स्थानमा खान र बस्&zwj;ने व्यवस्था गरिदिएको छ।” नेपाल र भारत दुवै देशमा लकडाउन गरिएकाले खुलेपछि उनीहरूलाई नेपाल ल्याइने अध्यक्ष कट्टेलले बताए। उद्धार गरिएकामध्ये झापाका आठ तथा मोरङ र पाँचथरका तीन/तीनजना  छन् । उनीहरूमा कनकाई-१ का ६३ वर्षीय दीनानाथ अधिकारी, ६१ वर्षीया उमादेवी अधिकारी, ३० वर्षीय राजन अधिकारी, ७१ वर्षीय पर्वलाल अधिकारी, ६५ वर्षीया पुण्यप्रभा अधिकारी र ६६ वर्षीया डम्बरकुमारी लुइँटेल रहेको अध्यक्ष कट्टेलले जानकारी दिए। त्यस्तै झापा मेचीनगर-१० का ६५ वर्षीय मोहनीविशाल लुइँटेल र ५९ वर्षीया गङ्गादेवी लुइँटेल छन्। यस्तै मोरङ रतुवामाई-६ का ७९ वर्षीय नेत्रप्रसाद पोखरेल, ६४ वर्षीया देवीमाया पोखरेल र ३८ वर्षीय गोविन्द पोखरेल  छन्। यस्तै पाँचथरका ७३ वर्षीय मुक्तिनाथ खतिवडा, ४० वर्षीय भेषराज खतिवडा र  ७६ वर्षीया सावित्रादेवी रिजालको उद्धार गरिएको अध्यक्ष कट्टेलले बताए। उनीहरू गत २१ फागुनमा तीर्थयात्राका लागि भारत गएका थिए। रासस