Others

गृहपृष्ठ

क्‍वारेन्टाइन, आइसोलेसन र सोसल डिस्ट्यान्सिङः कोभिड-१९ ले जन्माएका तीन शब्द काठमाडौं। कोभिड-१९ को महामारी फैलिएसँगै तीनवटा अंग्रेजी शब्द निकै प्रचलनमा आएका छन्। ती हुन्- क्&zwj;वारेन्टाइन, आइसोलेसन र सोसल डिस्ट्यान्सिङ। उस्तै-उस्तै अर्थ दिए पनि यी शब्दले बोक्ने भाव फरक छ। क्&zwj;वारेन्टाइन रोग लागेको वा संक्रमणको शंका भएमा अपनाइने अभ्यास हो भने आइसोलेसन संक्रमित व्यक्तिबाट अरूलाई भाइरस नसरोस् भनेर अपनाइने सावधानी। क्&zwj;वारेन्टाइन - यो संक्रमण हुनभन्दा पहिला वा संक्रमणको शंका हुने अवस्थामा अपनाइने अभ्यास हो। - खासगरी संक्रमणको जोखिम हुने स्थानबाट आएका मानिसहरूलाई १४ दिनसम्म क्&zwj;वारेन्टाइनमा राखिन्छ। - क्&zwj;वारेन्टाइनमा बसेका सबै व्यक्तिमा संक्रमण छ भन्ने हुँदैन। त्यसैले १४ दिनको समयावधि तोकिएको छ किनभने कोरोनाभाइरस संक्रमणको लक्षण देखिन यति समय लाग्छ। - क्&zwj;वारेन्टाइन दुई प्रकारको हुन्छ- बाह्य निगरानीमा हुने र आत्म-निगरानीमा हुने। चीनको वुहानमा अध्ययनरत विद्यार्थीलाई बाह्य निगरानीको क्&zwj;वारेन्टाइनमा राखिएको थियो। बाह्य निगरानीमा राखिँदा चिकित्सकसहितको टोलीले निगरानी गर्छ। केही स्वास्थ्य जटिलता देखापरे तुरुन्त अस्पताल लगिन्छ। - आत्म-निगरानीमा गरिने क्&zwj;वारेन्टाइन (सेल्फ-क्&zwj;वारेन्टाइन) आफूले सचेतनापूर्वक अपनाउने अभ्यास हो। खासगरी जोखिमयुक्त स्थानबाट आएका व्यक्तिलाई सरकारले सेल्फ-क्&zwj;वारेन्टाइनमा बस्न अनुरोध गरेको छ। घरमै सेल्फ-क्&zwj;वारेन्टाइनमा बसिने हुँदा थप सतर्कता अपनाउन जरुरी हुन्छ। महामारी तथा रोग नियन्त्रण महाशाखाले <a href="https://www.dekhapadhi.com/news/9155" target="_blank">सेल्फ-क्&zwj;वारेन्टाइनमा बस्दा पालना गर्नुपर्ने १५ नियम</a> सार्वजनिक गरेको छ। आइसोलेसन - आइसोलेसनको सामान्य अर्थ हो, पृथकता वा छुट्टिनु। तर, कोभिड-१९ को सन्दर्भमा यो एउटा मेडिकल शब्द पनि हो। कोरोना भाइरस पुष्टि भएको व्यक्तिबाट अरूमा संक्रमण नफैलियोस् भनेर गरिने अभ्यास हो यो। - क्&zwj;वारेन्टाइनमा जस्तै बेग्लै वार्डमा र निश्चित दूरीमा संक्रमित व्यक्तिलाई राखिन्छ। - संक्रमित व्यक्ति स्वास्थ्यकर्मीहरूको सुपरिवेक्षणमा हुन्छन्। - संक्रमित व्यक्तिलाई आवश्यकताअनुसारको औषधि र अन्य मेडिकल उपकरण उपलब्ध गराइएको हुन्छ। - निको भएको पुष्टि नहुँदासम्म राखिने भएकाले आइसोलेसनमा बस्ने निश्चित समय हुँदैन। सोसल डिस्ट्यान्सिङ - शुरूमा ‘सोसल डिस्ट्यान्सिङ’ (सामाजिक दूरी बनाउने) नाम दिइएको भए पनि यो अभ्यासलाई अहिले आएर ‘पर्सनल डिस्ट्यान्सिङ’ (व्यक्तिगत दूरी बनाउने) भन्न थालिएको छ। - यो रोग लाग्नबाट जोगाउने पूर्वअभ्यास हो। - कोभिड-१९ महामारी फैलिनबाट जोगिन व्यक्ति-व्यक्तिबीचको सम्पर्क घटाउने अभ्यास हो यो। - यो अभ्यास हरेक व्यक्तिले सचेतनापूर्वक अपनाउने विधि हो। - विश्व स्वास्थ्य संगठनले यो विधि अपाउन केही मापदण्ड तोकेको छ। ती हुन्ः              - सकेसम्म घरबाट ननिस्किने।              - अत्यावश्यक काममा निस्कँदा अर्को व्यक्तिसँग कम्तिमा एक मिटरको दूरी कायम गर्ने।              - भिडभाड हुने सिनेमा, क्याफे, बार, मन्दिर, चर्च, मस्जिद, गुम्बा, विद्यालय, क्याम्पस बन्द गर्ने। - अहिले भइरहेको ‘लकडाउन’ यही अभ्यासको उच्च रूप हो।