झापामा ३२१ शय्याका क्वारेन्टाइन
<p>कोरोना संक्रमणबाट बच्‍न झापामा तीन सय २१ शय्‍याका क्‍वारेन्टाइनहरू निर्माण गरिएको छ । तीमध्ये सबैभन्दा बढी बिर्तामोड नगरपालिकाले ९० शय्‍याको क्‍वारेन्टाइन तयार पारेको छ। </p>
<p>बिर्तामोड नगर प्रमुख ध्रुवकुमार शिवाकोटीका अनुसार मेची आँखा अस्पताल र कञ्‍चनजंघा हेल्थ इन्स्टिच्युट एण्ड नर्सिङ कलेजमा ती क्‍वारेन्टाइन तयार भएका छन् । भारत र तेस्रो मुलुकबाट आएका १७ जनालाई होम क्‍वारेन्टाइनमा राखिएको छ। </p>
<p>मेची नगरपालिकामा ७० शय्‍याको क्‍वारेन्टाइन निर्माण गरिएको छ। तिनमा भारत र तेस्रो मुलुकबाट आएका मानिसलाई राखिएको छ। मेचीनगरपालिकामा अहिले २४ जना क्‍वारेन्टाइनमा छन् भने एक सय दुर्इ जना होम क्‍वारेन्टाइनमा छन्। </p>
<p>यस्तै, भद्रपुर नगरपालिकामा ३२ शय्‍याको क्‍वारेन्टाइन निर्माण गरिएको छ। दमक नगरपालिकामा २४ र शिवसताक्षीमा १६ शय्‍याको क्‍वारेन्टाइन निर्माण गरिएको छ। कचनकवल गाउँपालिकामा १४, कमल गाउँपालिकामा १३ र अर्जुनधारा नगरपालिकामा १२ शय्‍याको क्‍वारेन्टाइन निर्माण गरिएको छ।</p>
<p>बुद्धशान्ति गाउँपालिका, झापा गाउँपालिका, गौरादह नगरपालिका, बाह्रदशी गाउँपालिका र कनकाई नगरपालिकामा १०-१० शय्‍याको क्‍वारेन्टाइन बनाइएको छ। झापाभर तीन सय ३१ जना होम क्‍वारेन्टाइन र ५४ जना क्‍वारेन्टाइनमा रहेको जिल्ला प्रशासन कार्यालयले जनाएको छ। रासस</p>
प्रतिक्रिया दिनुहोस्
.jpg)
