कोरोनाबारे जानकारी दिन नयाँ सरकारी वेबपोर्टल
<p>सरकारले कोभिड-१९ नियन्त्रण तथा रोकथामको कामलाई व्यवस्थित गर्न शनिबारदेखि डाँफे हेल्थ डटकम सञ्‍चालनमा ल्याउने भएको छ।</p>
<p>कोरोना भाइरसबारे सही सूचना उपलब्ध गराउन नयाँ वेबपोर्टल एप्लिकेशन सञ्‍चालनमा ल्याउन लागिएको स्वास्थ्य मन्त्रालयले जनाएको छ।</p>
<p>मन्त्रालयका सल्लाहाकार डा. खेमबहादुर कार्कीले भने, ‘सूचना, ज्ञान र सीप आदानप्रदानका लागि डेडिकेटेड वेबपोर्टल तयार पारेका हौं।’</p>
<p>चिकित्सक, स्वास्थ्कर्मी र स्वास्थ्य क्षेत्रमा आवद्ध धेरै जनामा कोभिड-१९ बारे रहेको जिज्ञासा र समस्या समाधानका लागि डाँफेहेल्थ डटकम प्रभावकारी हुने उनको भनाइ छ।</p>
<p>आइमार्क डिजिटलसँगको सहकार्यमा सञ्‍चालनमा ल्याउन लागिएको लर्निङ पोर्टलमार्फत सरकारले चिकित्सक र स्वास्थ्यकर्मीलाई अनलाइन तालिमसमेत दिने भएको छ।</p>
<p>डाँफेहेल्थ डकटकम खोलेपछि कोभिड-१९मा क्लिक गरेर सीधा लगइन गर्न सकिनेछ। त्यसका लागि युजर आईडी र पासवर्ड आवश्यक नपर्ने आईमार्क डिजिटलका अध्यक्ष रामप्रसाद ढुंगानाले बताए।<br />
</p>
प्रतिक्रिया दिनुहोस्
.jpg)
