कोरोना भाइरस संक्रमणको आशंका गरिएका बिरामीको नमूना लिन नेपाल एअरलाइन्सको जहाज नेपालगंज जाँदै
<p>काठमाडौं। कोरोना भाइरस संक्रमणको शंकास्पद बिरामीको संकलन गरिएको नमूना लिन नेपाल वायुसेवा निगमको जहाज आज नेपालगंज पठाउन लागिएको छ।</p>
<p>बिरामीबाट संकलन गरिएको थ्रोट स्वाब परीक्षणको लागि काठमाडौं ल्याउन निगमको वाइ-१२ जहाजले काठमाडौं-नेपालगंज उडान भर्ने अनुमति दिइसकिएको नागरिक उड्डयन प्राधिकरणका प्रवक्ता राजकुमार क्षेत्रीले जानकारी दिए।</p>
<p>अहिले कोभिड-१९ भए/नभएको यकिन गर्न नमूना परीक्षणको पूर्वाधारसहितको ल्याव टेकुस्थित राष्ट्रिय जनस्वास्थ्य प्रयोगशालामा मात्र छ।</p>
<p>सरकारले तत्कालका लागि पूर्वको विराटनगर र पश्‍चिमको नेपालगंजमा शंकास्पद बिरामीको नमूना संकलन गरी जहाजबाट काठमाडौं ल्याउने व्यवस्था मिलाएको छ।</p>
<p><img alt="" height="540" src="https://www.dekhapadhi.com/storage/photos/shares/Health/corona.00_02_18_10.Still003.jpg" width="960" /></p>
<p>धरानस्थित बिपी कोइराला स्वास्थ्य विज्ञान प्रतिष्ठानमा छिट्टै नै परीक्षण शुरू गर्ने सरकारी तयारी छ।</p>
<p>केही दिनअघिको पत्रकार सम्मेलनमा स्वास्थ्यमन्त्री भानुभक्त ढकालले धुलिखेल अस्पताल, वीर अस्पतालकम पनि कोभिड-१९ परीक्षणको लागि ल्याव व्यवस्था गर्ने जानकारी दिए।</p>
<p>सातैवटा प्रदेशमा कोरोना भाइरस संक्रमणको नमूना परीक्षण गर्ने गरी पूर्वाधारसहितको प्रयोगशाला व्यवस्थापन गर्ने मन्त्रालयको तयारी छ।</p>
<p>प्रदेशस्तरमा परीक्षण गर्ने व्यवस्था नहुन्जेल छिटो सवारीको साधनको माध्यमबाट केन्द्रीय प्रयोगशाला टेकुमा स्वाब परीक्षण गराउने व्यवस्था मिलाइएको छ।</p>
प्रतिक्रिया दिनुहोस्
.jpg)
