ज्यालादारी श्रमिकहरूको लागि राहत कोष स्थापना गर्ने इटहरी उपमहानगरपालिकाको निर्णय
<p>इटहरी। इटहरी उपमहानगरपालिकाले नगर क्षेत्रभित्रका दैनिक रोजगारीमा जिविका चलाइरहेका न्यून आय भएका व्यक्तिहरूको लागि राहत प्याकेजको लागि गृहकार्य थालेको छ।</p>
<p>देशभर लागू भएको लकडाउनका कारण ती विपन्न वर्गको रोजिरोटीमा समस्या भएको भन्दै राहत प्याकेजको गृहकार्य थालिएको इटहरी उपमहानगरपालिकाका प्रमुख प्रशासकीय अघिकृत कृष्णप्रसाद चापागाईले जानकारी दिए।</p>
<p>त्यसका लागि स्थानीय तह प्रकोप व्यवस्थापन कोष स्थापना गरिएको छ।</p>
<p>सो कोषमा कार्यपालिका सदस्यहरुले एक महिनाको सुविधा वापतको रकम र कर्मचारीहरूले सात दिनको तलब वापतको रकम जम्मा गर्ने छन्।</p>
<p>उद्योगी, व्यापारी र देशविदेशमा रहेका नगरवासीहरूलाई पनि रकम जम्मा गर्न अनुरोध गरिएको छ।</p>
<p>आज बसेको आकस्मिक कार्यपालिकाको वैठकले न्यून आय भएका व्यक्तिहरूको लगत संकलन गरी पठाउन सबै वडालाई अनुरोध गरिएको छ।</p>
<p>सम्बन्धित वडा समितिले सिफारिस गरेको नामावलीको आधारमा वडा कार्यालयबाटै राहत वितरण गरिने इटहरी उपमहानगरपालिकाकी उपमेयर लक्ष्मी गौतमले बताइन्।</p>
<p>कार्यपालिकाको वैठकले लकडाउन अवधिभर आधा महीनाको घरभाडा छुट गरिदिन घरधनीहरूसँग अनुरोध गर्ने निर्णय गरेको छ।</p>
प्रतिक्रिया दिनुहोस्
.jpg)
