राष्ट्रसंघका ८६ कर्मचारीलाई कोरोना भाइरसको संक्रमण
<p>संयुक्त राष्ट्रसंघका विभिन्न देशमा खटिएका ८६ कर्मचारी कोरोना भाइरसबाट संक्रमित भएका छन्।</p>
<p>विश्वव्यापी महामारीको रूपमा फैलिएको कोरोना भाइरसको शिकार अन्तर्राष्ट्रिय सहयोगी संस्थाका कर्मचारीहरू पनि भएका हुन्।</p>
<p>राष्ट्रसंघका प्रवक्ता स्टेफन डुजारिकका अनुसार संक्रमितमध्ये अधिकांश युरोपेली मुलुकमा खटिएका कर्मचारी छन्। त्यसैगरी अफ्रिका, एशिया, मध्यपूर्व र अमेरिकामा खटिएका केही कर्मचारी पनि संक्रमित भएका छन्।</p>
<p>बिरामी भएकामध्ये अधिकांश सामान्य अवस्थामा रहेको पनि उनले जानकारी दिए। उनीहरूले घरबाटै काम गरिरहेको पनि प्रवक्ता डुजारिकको भनाइ छ।</p>
<p>राष्ट्रसंघको जेनेभास्थित कार्यालयमा झन्डै चार हजार कर्मचारीमध्ये ७० जनाले कार्यालयमा रहेर काम गरेका छन्।</p>
<p>त्यसैगरी भियनामा ९७ प्रतिशतभन्दा बढी राष्ट्रसंघका कर्मचारीले अहिले नियमितरूपमा टाढा बसेर काम गरिरहेका छन्। अडिस आबाबा र इथोपियाका ९९ प्रतिशत कर्मचारीले घरमै बसेर काम गरेका छन्। <em>(रासस/एपी)</em></p>
प्रतिक्रिया दिनुहोस्
.jpg)
