उद्योगपति अग्रवालले आइसोलेसन र क्वारेन्टाइनमा राखिएकालाई खाना-खाजा उपलब्ध गराउने
<p>कैलाली। धनगढीको आइसोलेसनमा राखिएका व्यक्तिहरूलाई उद्योगपति ओमप्रकाश अग्रवालले खाना र खाजाको व्यवस्था गर्ने भएका छन्।</p>
<p>आइसोलेसन तथा क्वारेन्टाइनमा राखिएका संक्रमित तथा आशंका गरिएका व्यक्तिले खाना खान नपाएको थाह पाएपछि उद्योगपति अग्रवालले उनीहरू त्यहाँ रहुञ्जेल खाना र खाजा व्यवस्था गर्ने घोषणा गरेका हुन्।</p>
<p>हाल आइसोलेसनमा एक जना संक्रमित छन् भने क्वारेन्टाइनमा उनका परिवारका ९ जना सहित १४ जना रहेका छन्।</p>
<p>घरका सबै सदस्य क्वारेन्टाइनमा रहेकोले ती व्यक्तिलाई खाना दिन कोही आउन पाएनन्।</p>
<p>उद्योगपति अग्रवालले संकटको यो घडीमा अप्ठ्यारोमा परेकाहरूलाई सहयोग गर्नु आफ्नो सामाजिक उत्तरदायीत्व भएको बताए।</p>
<p>उनले उपचारका क्रममा कोही भोकै बस्नु पर्ने अवस्था नआओस् भन्नका लागि खानाको व्यवस्था गरिएको बताए।</p>
<p>धनगढीमा रहेको महावीर भोजनालयले आइसोलेसनमा रहेका बिरामीहरूका लागि खाना, नास्ता तयार गर्नेछ।</p>
<p>आइसोलेसन र क्वारेन्टाइनमा रहेकाहरूलाई बिहान साढे नौ बजे दाल, भात, तरकारी, मिठाइ, पानी, दिउँसो दुई बजे खाजा र साँझ साढे ६ बजे रोटी, तरकारी दाल र पानीको व्यवस्था गर्ने उद्योगपति अग्रवालले बताए। </p>
प्रतिक्रिया दिनुहोस्
.jpg)
