चीनबाट स्वास्थ्य सामग्री लिएर आयो नेपाल एअरलाइन्सको जहाज
<p>काठमाडौं। कोभिड-१९ को उपचार तथा परीक्षणमा प्रयोग हुने स्वास्थ्य सामग्री लिएर राष्ट्रिय ध्वजावाहक नेपाल वायु सेवा निगमको वाइडबडी जहाज काठमाडौं आइपुगेको छ।</p>
<p>१२ दशमलब ६६ टन स्वास्थ्य उपकरणहरू लिएर निगमको वाइडबडी ए-३३०-२४३ कलसाइनको जहाज गएराति चीनको ग्वाङ्जाओबाट त्रिभुवन अन्तर्राष्‍ट्रिय विमानस्थलमा अवतरण गरेको नेपाल नागरिक उड्डयन प्राधिकरणले जानकारी दिएको छ।</p>
<p>जहाजमा स्वास्थ्य मन्त्रालयले माग गरे अनुसार कोभिड-१९ परीक्षण गर्ने किट र पिपीईलगायतका औषधिजन्य सामग्री ल्याइएको छ। </p>
<p>चीनबाट आएका ती सामग्री हवाइ माध्यमबाट प्रदेशहरूमा पुर्‍याइउने बताइएको छ।</p>
प्रतिक्रिया दिनुहोस्
.jpg)
