चीनले सहयोग गरेको स्वास्थ्य सामग्री लिएर काठमाडौं आउँदै चिनियाँ जहाज (तस्वीरहरूसहित)
<p>काठमाडौं। कोभिड-१९ को नियन्त्रण तथा उपचारमा प्रयोग हुने स्वास्थ्य सामग्री लिएर चिनियाँ विमान काठमाडौं उडेको छ।</p>
<p>नेपालस्थित चिनियाँ राजदूतावासको समन्वयमा ती सामान लिएर चीनको ग्वाङ्जाओबाट नेपालतर्फ विमान प्रस्थान गरिसकेको नेपालका लागि चिनियाँ राजदूत होउ यान्छीले <a href="https://twitter.com/PRCAmbNepal/status/1244016208992583681" target="_blank">ट्वीट</a> गरेर जानकारी दिएकी छन्।</p>
<p>राजदूत यान्छीले ट्वीटमा लेखेकी छन्, 'दूतावासको सक्रिय समन्वयबाट सिचुआन प्रान्तीय सरकार, सिचुआन प्रान्तीय लगानी समूह र चिनियाँ दूतावासले सहयोग गरेको अत्यावश्यक स्वास्थ्य सामग्रीहरू ग्वाङ्जाओबाट प्रस्थान गरिसकेका छन् र छिट्टै आइपुग्छन्।'</p>
<p><img alt="" height="709" src="https://www.dekhapadhi.com/storage/photos/shares/COVID-19/chin medical support.JPG" width="960" /></p>
<p>पीपीई थर्मोमिटरलगायतका स्वास्थ्य सामग्री आउन लागेको भन्दै आफ्नो ट्वीटमा उनले ती सामानहरूको कार्टुन राखेकी छन्।</p>
<p>यसअघि नेपाल एअरलाइन्सको वाइडबडी ए-३३०-२४३ को जहाज १२ दशमलब ६६ टन स्वास्थ्य उपकरणहरू लिएर गएराति चीनको ग्वाङ्जाओबाट त्रिभुवन अन्तर्राष्‍ट्रिय विमानस्थलमा अवतरण गरेको थियो।</p>
<p><img alt="" height="613" src="https://www.dekhapadhi.com/storage/photos/shares/COVID-19/chin medical support 2.JPG" width="960" /></p>
प्रतिक्रिया दिनुहोस्
.jpg)
