चीनमा कोरानाका नयाँ ४५ बिरामी
<p>बेइजिङ। चीनमा कोरोना भाइरसका नयाँ ४५ बिरामी फेला परेका छन्। यो २८ मार्च शनिबारको तथ्यांक हो।</p>
<p>समाचार एजेन्सी रोयटर्सका अनुसार अघिल्लो दिनको तुलनामा कम हो। २७ मार्चमा चीनमा ५४ जना नयाँ बिरामी फेला परेका थिए। स्वास्थ्य अधिकारीहरूका अनुसार ४५ जनामध्ये एक विदेशबाट फर्केका व्यक्ति हुन्।</p>
<p>शनिबार चीनमा कोरोनाका कारण पाँच जनाको ज्यान गएको छ। सबैजना हुबेई प्रान्तको वुहान शहरका बासिन्दा हुन्।</p>
<p>वुहान नै कोरोना भाइरसको उद्‍गम स्थल हो। चीनमा कोरोनाका कारण हालसम्म तीन हजार तीन सय जनाको मृत्यु भइसकेको छ भने ८१ हजार चार सय ३९ जनामा संक्रमण फेला परेको छ।</p>
<p>वुहानमा बिरामी र मृत्यु कम हुँदै जाँदा लकडाउन हटाउँदै लगिएको छ। शनिबार बिहान पहिलोपटक रेल सेवा पुनः सञ्‍चालन गरिएको छ। बीबीसी<br />
</p>
प्रतिक्रिया दिनुहोस्
.jpg)
