लुक्लामा अलपत्र पर्यटकहरुको आज सात वटा जहाजले उद्धार गर्ने
<p>काठमाडौं। लकडाउनको आज छैटौं दिन अलपत्र परेका विदेशी पर्यटकको उद्धारका लागि बिहानैदेखि जहाजहरूले उडान भर्न शुरू गरेका छन्।</p>
<p>नेपाल नागरिक उड्डयन प्राधिकरणका प्रवक्ता राजकुमार क्षेत्रीका अनुसार काठमाडौं-लुक्लाको लागि समिट एअरको ३, सिता एअरको १ र तारा एअरको ३ वटाले उडान अनुमति पाइसकेका छन्।</p>
<p>"तारा एअरले अझै दुई वटा उडान भर्न अनुमति मागेको छ", क्षेत्रीले <em>देखापढी</em>सँग भने।</p>
<p>अहिलेसम्म उद्धारका लागि कुनै अन्तर्राष्‍ट्रिय उडान भने तय भइसकेको छैन।</p>
<p>कोभिड-१९ फैलिन नदिन सरकारले लागू गरेको लकडाउनका कारण हवाइ तथा सडक मार्ग बन्द छ।</p>
<p>यो बीचमा अलपत्र परेका विदेशी नागरिकहरूलाई सम्बन्धित दूतावासको अनुरोधमा पोखरा, लुक्लालगायतका क्षेत्रबाट उद्धार गरी एअरलिफ्टबाट घर फर्काइँदै आइएको छ।</p>
प्रतिक्रिया दिनुहोस्
.jpg)
