प्रदेश ५ : कोभिड-१९ परीक्षण गरिएका ३६ मध्ये २३ रिपोर्ट नेगेटिभ, १३ जनाको परीक्षण हुँदै
<p>बुटवल। प्रदेश ५ मा कोरोना भाइरस संक्रमणको आशंका गरिएका ३६ जनामध्ये नमूना परीक्षण गर्दा २३ जनाको रिपोर्ट नेगेटिभ आएको छ। १३ जनाको रिपोर्ट आउन बाँकी छ।</p>
<p>सामाजिक विकास मन्त्रालय महाशाखा प्रमुख डा. उमाशंकर चौधरीले रिपोर्ट नेगेटिभ देखिएपछि उनीहरुलाई घर पठाइएको जानकारी दिए।</p>
<p>अन्य १३ जनालाई विभिन्‍न अस्पतालका आइसोलेसनमा राखिएको चौधरीले बताए।</p>
<p>लकडाउन भएपछि हवाइसेवा बन्द हुँदा बिरामीको थ्रोट स्वाब परीक्षण गर्न गाडीबाट काठमाडौं पठाउनुपर्ने भएकाले केही ढिलाइ भएको उनले जानकारी दिएका छन्। </p>
<p>शंकास्पद बिरामीको परीक्षणका लागि नमूना संकलन गरिएकामध्ये लुम्बिनी प्रादेशिक अस्पताल बुटवलबाट १७ र भीम अस्पताल भैरहवाबाट एकजनाको पठाइएकोमा १६ जनाको रिपोर्ट नेगेटिभ आएको छ।</p>
<p>दुईजनाको रिपोर्ट आउन बाँकी छ।</p>
<p>यस्तै प्रदेशअन्तर्गत दाङबाट पाँच जनाको स्वाब नमूना पठाइएकामा सबै रिपोर्ट नेगेटिभ देखिएको छ।</p>
<p>बाँकेबाट १३ जनाको नमूना पठाइएकामा सात जनाको नेगेटिभ रिपोर्ट देखिएको र अन्य ६ जनाको रिपोर्ट आउन बाँकी छ। <em>रासस</em></p>
प्रतिक्रिया दिनुहोस्
.jpg)
