चीनबाट ल्याइएका स्वास्थ्य सामग्री आज साँझसम्म सातै प्रदेशमा वितरण गरिने
<p>काठमाडौं। स्वास्थ्य तथा जनसंख्या मन्त्रालयले चीनबाट ल्याइएका कोभिड-१९ को परीक्षण र उपचारमा प्रयोग हुने अत्यावश्यकीय स्वास्थ्य सामग्री सातवटै प्रदेशमा आजै वितरण गर्ने भएको छ।</p>
<p>मन्त्रालयका प्रवक्ता डा. विकास देवकोटाले आज बिहान स्वास्थ्य सामग्री आइपुगेको र ती सबै सामग्री जाँच गरेर आवश्यकताको आधारमा साँझसम्म सबै प्रदेशमा पुर्‍याइने तयारी भइरहेको <em>देखापढी</em>लाई जानकारी दिए।</p>
<p>“आज बिहान ल्याइएका स्वास्थ्य सामग्री रिप्याकको काम गरेर आजैबाट वितरण गर्ने योजना बनाएका छौं”, उनले भने, “प्याकिङ हेरेर हामीले आजैबाट पुर्‍याउने योजनासहित काम गरिरहेका छौं।”</p>
<p>देवकोटाका अनुसार नेपाली सेनाको हेलिकप्टरबाट स्वास्थ्य सामग्री ढुवानी गर्ने विषयमा मन्त्रालयले छलफल अगाडि बढाएको छ।</p>
<p>“अहिले निर्णय नै भइसकेको छैन तर हेलिकप्टरबाट नै सामान लगिन्छ होला”, उनले भने,“स्वास्थ्य सामग्रीको अभाव भइरहेका बेला हामी ढिलो गर्ने पक्षमा छैनौं जतिसक्दो छिटो पुर्‍याउने कोशिसमा लागेका छौं।”</p>
<p>नेपाल वायु सेवा निगमको वाइडबडी विमान एयरबस-३३० ले चीनबाट कोरोना भाइरसको उपचारमा प्रयोग हुने १२ प्रकारका अत्यावश्यक स्वास्थ्य उपकरण र सामग्री ल्याएको थियो।</p>
<p><img alt="" height="720" src="https://www.dekhapadhi.com/storage/photos/shares/COVID-19/lock down/china medical 1.jpg" width="960" /></p>
<p>चीनको ग्वान्जाओबाट सामान लिएर उडेको निगमको जहाज आज बिहान साढे पाँच बजे त्रिभुवन अन्तर्राष्ट्रिय विमानस्थलमा अवतरण गरेको हो।</p>
<p>चीनबाट ल्याइएका सामानहरूमध्ये सबैभन्दा बढी कोभिड-१९ परीक्षणमा प्रयोग हुने र्‍यापिड डायग्नोस्टिक किट एक लाख थान छन्।</p>
<p>यस्तै, गगल्स प्रोटेक्टिभ १० हजार थान, प्याकिङ सामग्रीसहित भीटीएम पाँच हजार थान, विभिन्न प्रकारका पीसीआर रिएजेन्ट १० हजार थान ल्याइएको छ।</p>
<p> पोर्टेबल पीसीआर रिएजेन्ट किट्स २० हजार थान, पोर्टेबल पीएसआर मेसिन पाँच थान, थर्मोमिटर इन्फारेड, नो कन्ट्याक्ट ह्यान्डल एक हजार५०० थान, सुज कर डिस्पोजेबल २० हजार थान, रेस्पिरेटर, मास्क, एफएफपीटु एन-९५ लगायत ३० हजार थान, विभिन्न आकारका ग्लोब एक्जामिनेसन एक लाख थान, गाउन, एएएमआई लेभल थ्री २० हजार थान तथा क्लोरिन एनएडीसीसी चार हजार थान ल्याइएको छ।</p>
प्रतिक्रिया दिनुहोस्
.jpg)
