कोभिड-१९ उच्चस्तरीय समितिको बैठक दिउँसो १ बजे बस्दै
<p>काठमाडौं। उपप्रधानमन्त्री तथा रक्षामन्त्री संयोजकत्वको कोरोना भाइरस संक्रमण, रोकथाम तथा नियन्त्रण उच्चस्तरीय समितिको बैठक केही बेरमा सिंहदरबारमा बस्दैछ।</p>
<p>आजै अपरान्ह बोलाइएको मन्त्रिपरिषद्को बैठक बस्नुअघि समितिको बैठक तय गरिएको हो।</p>
<p>दिउँसो १ बजे बैठक बस्न लागेको उपप्रधान तथा रक्षामन्त्री ईश्वर पोखरलेका प्रेस संयोजक लोकेन्द्र केसीले जानकारी दिए।</p>
<p>आजको बैठकमा कोभिड-१९ परीक्षण र उपचारका लागि चीनबाट ल्याइएका स्वास्थ्य सामग्री सातवटै प्रदेशमा वितरण गर्ने लगायतका विषयमा छलफल छलफल हुने बताइएको छ।</p>
<p>समितिका प्रवक्ता एवं प्रधानमन्त्री तथा मन्त्रिपरिषद् कार्यालयका सचिव नारायणप्रसाद बिडारीले देशैभर औषधी लगायतका स्वास्थ्य सामग्री पठाउने, अत्यावश्क वस्तुको आपूर्ति गर्ने लगायतका विषय बैठकको मुख्य अजेण्डा रहेको जानकारी दिए।</p>
<p>“लकडाउनका क्रममा सर्वसाधारणलाई घरमै बस्न पटक-पटक आग्रह हुँदै आएको छ”, उनले देखापढीसँग भने, “लकडाउनको आजसम्मको समीक्षा र आगामी दिनको कार्ययोजना पनि बैठकमा छलफल हुनेछ। ”</p>
<p>आज अपरान्ह ४ बजे बस्ने मन्त्रिपरिषद्को बैठकमा दिउँसो समितिको बैठकले गरेका निर्णयहरू प्रस्तुत हुने बिडारीले बताए।</p>
प्रतिक्रिया दिनुहोस्
.jpg)
