परराष्ट्रमन्त्रीले भने–‘संक्रमण रोकथाममा खटिरहेकाहरुलाई हौसला दिनोस्’
<p>काठमाडौं। परराष्ट्रमन्त्री प्रदीप ज्ञवालीले कोरोना भाइरस (कोभिड-१९) को संक्रमण रोकथाममा अहोरात्र खटिरहेकाहरूलाई साथ र हौसला दिन आग्रह गरेका छन्। </p>
<p>ट्वीटरमार्फत आफ्नो धारणा राख्दै मन्त्री ज्ञवालीले अत्यावश्यक स्वास्थ्य सामग्री आइपुगेको र तत्कालै सबै क्षेत्रमा पठाइने जानकारीसमेत दिएका छन्।</p>
<p>“धरानबाट नमूना परीक्षण सुरु भएको छ,” उनले लेखेका छन्, “छिट्टै अन्यत्र पनि विस्तार गरिँदैछ।”</p>
<p>विकसित देशलाई समेत हम्मेहम्मे परिरहेको महामारीविरुद्ध सरकार सम्पूर्ण शक्तिका साथ लागेको उनले प्रष्‍ट पारेका छन्।</p>
प्रतिक्रिया दिनुहोस्
.jpg)
