लुक्लाबाट ३० जना पर्यटक र २८ जना ट्रेकिङ गाइडलाई काठमाडौं ल्याइयो
<p>काठमाडौं। लुक्लामा अलपत्र परेका ३० जना पर्यटक र २८ जना ट्रेकिङ गाइडलाई आज काठमाडौं ल्याइएको छ।</p>
<p>लकडाउन पश्चात अलपत्र परेका उनीहरूलाई यती एअरलाइन्सको भगिनी संस्था तार एअरले काठमाडौं ल्याएको हो। आज अमेरिकन र बेलायतका नागरिकहरूलाई काठमाडौं लाइएको यती एअरलाइन्सका बरिष्ठ बजार अधिकृत विपना श्रेष्ठले बताइन्। </p>
<p>लुक्लामा रहेका पर्यटकलाई १६ चैतमै काठमाडौं ल्याउने तयारी गरिएको भए पनि लुक्लामा मौसम खराबी भएपछि उक्त उडान आज विहानको लागि सारिएको थियो।</p>
<p>नेपाल पर्यटन बोर्डको अनुरोधमा तारा एअरले टुरिष्ट गाइड, ट्रेकिङ कम्पनीका सञ्चालक तथा कर्मचारीलाई पनि काठमाडौं ल्याएको हो।</p>
<p>यती एअरले विगत चार दिन देखि विभिन्न ठाउँमा अलपत्र परेका पर्यटकलाई काठमाडौं ल्याउन ‘रिलिफ फ्लाइट’ सञ्चालन गरिरहेको छ।</p>
<p>विभिन्न देशका दुतावासहरू नेपाल नागरिक उडड्यन प्राधिकरणलाई अलपत्र परेका आफ्ना देशका नागरिकहरूलाई काठमाडौं ल्याइदिन अनुरोध गरेपछि प्राधिकरणले वायु सेवा कम्पनीहरूलाई उद्धारमा जुट्न भनेको थियो।</p>
प्रतिक्रिया दिनुहोस्
.jpg)
