Others

गृहपृष्ठ

वर्षा शिवाकोटीद्वारा कोभिड-१९ रोकथाम कोषमा एक लाख सहयोग काठमाडौं। नायिका वर्षा शिवाकोटीले सरकारले स्थापना गरेकाे कोभिड-१९ रोकथाम कोषमा एक लाख रूपैयाँ आर्थिक सहयोगको घोषणा गरेकी छन्। लकडाउनका कारण घरमै बसिरहेकी नायिका शिवाकोटीले सामाजिक सञ्जाल फेसबुकमार्फत् उक्त रकम सहयोगको घोषणा गरेकी हुन्। उनले उक्त रकम दैनिक काम गरेर गुजारा चलाउनेहरूकाे राहतमा सदुपयोग गर्न सरकारसँग आग्रह गरेकी छन्। आफैंले राहत किनेर बाँड्ने योजना बनाए पनि सरकारले घरमै सुरक्षित बस्न दिएको निर्देशन पालना गर्दा सहयोग गर्न नसकिएको उनकाे भनाइ छ। उनले लकडाउनले सबैलाई असर परेको भन्दै यस्तो विपत्तिमा सुरक्षित भएर बस्नुपर्ने सबैको कर्तव्य रहेको बताइन्। समस्यामा परेकाहरूलाई चाँडोभन्दा चाँडो राहतको व्यवस्था गर्न उनले सरकारसँग मागसमेत गरेकी छन्।    उनले याे महामारीका बेला खट्ने चिकित्सक, नर्स, सुरक्षाकर्मीलगायतलाई धन्यवादसमेत दिएकी छन्। <iframe allow="encrypted-media" allowfullscreen="true" allowtransparency="true" frameborder="0" height="543" scrolling="no" src="https://www.facebook.com/plugins/video.php?href=https%3A%2F%2Fwww.facebook.com%2Fbarsha.siwakoti2%2Fvideos%2F10223866929040355%2F&show_text=1&width=560" style="border:none;overflow:hidden" width="250"></iframe>