काेराेना भाइरसबाट संक्रमित पाँचौ व्यक्तिसँगको ‘कन्ट्याक्ट ट्रेसिङ’ मा टोली परिचालन
<p>काठमाडौं। स्वास्थ्य तथा जनसंख्या मन्त्रालयले काेराेना भाइरसबाट संक्रमित पाँचौं व्यक्ति बागलुङकी युवतीसँगको ‘कन्ट्याक्ट ट्रेसिङ’का लागि टोली परिचालन भइसकेको जनाएको छ।</p>
<p>४ चैतमा बेल्जियमबाट कतार एअरवेजको विमानमा काठमाडौं आइपुगेकी उनी यति एअरको जहाजबाट पोखरा ओर्लिएकी थिइन्।</p>
<p>उनीसँगको ‘कन्ट्याक्ट ट्रेसिङ’ गरेर सम्बन्धित व्यक्तिहरूलाई सेल्फ क्वारेन्टाइनमा राखिने मन्त्रालयले जनाएको छ।</p>
<p>नियमित पत्रकार सम्मेलनमा मन्त्रालयका प्रवक्ता डा.विकास देवकोटाले यसबारेमा जानकारी गराएका हुन्। उनले चौथो संक्रमित कैलाली धनगढीका युवकको ‘क्यान्ट्याक्ट ट्रेसिङ’ गरिसकिएको बताए।</p>
<p>उनीसँग सम्पर्कमा रहेका मानिसहरू सबैलाई क्वारेन्टाइनमा राखिसकिएको छ। मन्त्रालयले अहिलेसम्म नेपालमा ९१७ जनाको स्वास्थ्य परीक्षण गरिएको जनाएको छ।</p>
<p>यी मध्ये पाँचजनामा कोरोना भाइरस (कोभिड-१९) संक्रमित पुष्टि भएको छ। अन्य सबैमा नेगेटिभ रिपोर्ट देखिएको छ। एकजना निकाे भइसकेका छन् भने अन्य संक्रमित चारै व्यक्तिहरूको स्वास्थ्य सामान्य रहेको डा. देवकाेटाले जानकारी दिए।</p>
प्रतिक्रिया दिनुहोस्
.jpg)
