धनगढीका मजदुरका लागि खाद्यान्न सहयाेग
<p>कैलाली। लायन्स क्लब अफ धनगढी ग्रीन सिटीले लकडाउनका कारण छाक टार्न समस्यामा परेका मजदुरका लागि खाद्यान्न सामग्री सहयोग गरेको छ।</p>
<p>क्लबका अध्यक्ष गोविन्द खतिवडाले नगरस्तरीय विपद् व्यवस्थापन समितिलाई उक्त खाद्यान्न सामग्री हस्तान्तरण गरेका हुन्।</p>
<p>खतिवडा अनुसार धनगढी उपमहानगरपालिकाका प्रमुख नृपबहादुर वडमार्फत् ५० बाेरा चामल, ६० प्याकेट तेल, १०० पोका नुन र दुई बोरा सोयाबिन हस्तान्तरण गरिएको हाे।</p>
<p>उनले लकडाउनका कारण दैनिक ज्याला मजदुरी गरेर जोहो गर्ने समुदायका लागि केही सहज होस् भनेर क्लबका सदस्यहरूबाट प्राप्त सहयोगले उक्त खाद्यान्न सामग्री खरिद गरिएकाे जानकारी दिए।</p>
<p>धनगढी उपमहानगरपालिका प्रमुख वडले उक्त खाद्यान्न सामग्री विपन्न समुदायमा वितरण गरिने बताए।</p>
प्रतिक्रिया दिनुहोस्
.jpg)
