प्रजातन्त्र सेनानी रेग्मीकाे निधनप्रति कांग्रेस सभापति देउवाद्वारा दुःख व्यक्त
<p>काठमाडाैं। नेपाली कांग्रेसका सभापति शेरबहादुर देउवाले प्रजातन्त्र सेनानी सूर्यप्रसाद रेग्मीको निधनप्रति दुःख व्यक्त गरेका छन्।</p>
<p>सभापति देउवाले आज शोक विज्ञप्ति जारी गर्दै स्याङ्जा वालिङ नगरपालिका-२ का ७९ वर्षीय रेग्मीको निधनप्रति दुःख व्यक्त गरेका हुन्। रेग्मीको आज हृदयाघातका कारण निधन भएको थियो।</p>
<p>“स्याङ्जाका कांग्रेसका अग्रज एवम् शालिन नेता रेग्मीको निधनको खबरले मलाई अत्यन्त दुखित बनाएको छ, रेग्मीले नेपालको प्रजतान्त्रिक र पार्टी संगठनमा पुर्‍याउनुभएको सक्रिय योगदानको स्मरण गर्दछु”, सभापति देउवाद्वारा जारी विज्ञप्तिमा भनिएको छ ।</p>
<p>सभापति देउवाले आत्माको चिरशान्तिको कामना गर्दै शोक सन्तप्त परिवारजनप्रति समवेदना प्रकट गरेका छन्। रेग्मीलाई सभापति देउवाले १९ फागुनमा ज्येष्ठ राजनीतिज्ञसभाको सदस्यमा मनोनयन गरेका थिए।</p>
<p>रेग्मीले विभिन्न कालखण्डमा जेल र निर्वासित जीवन बिताउनुका साथै पार्टी सङ्गठनमा अत्यन्त सक्रिय भूमिका निर्वाह गरेकाे कांग्रेसले जनाएकाे छ।</p>
प्रतिक्रिया दिनुहोस्
.jpg)
