.jpg)
लकडाउनको अवधि २५ गतेसम्म बढाउने सरकारको निर्णय
<p>काठमाडौं। सरकारले कोभिड-१९ महामारीको उच्च जोखिमलाई ध्यानमा राखेर जारी गरेको देश लकडाउन (बन्दाबन्दी)को आदेश सात दिन थप गर्ने निर्णय गरेको छ।</p>
<p>प्रधानमन्त्री निवास बालुवाटारमा आज साँझ बसेको मन्त्रिपरिषद्को बैठकले यस्तो निर्णय गरेको हो।</p>
<p>अब लकडाउन २५ चैत राति १२ बजेसम्म जारी रहनेछ। </p>
<p>आजै दिउँसो बसेको कोभिड-१९ संक्रमण रोकथाम तथा नियन्त्रण उच्चस्तरीय समितिको बैठकले लकडाउनको अवधि बढाउन <a href="https://www.dekhapadhi.com/news/9385" target="_blank"><span style="color:#c0392b">सिफारिस गर्ने निर्णय </span></a>गरेको थियो।</p>
<p>मन्त्रिपरिषद्ले‌ कोभिड-१९ महामारीको उच्च जोखिम कम नभएको निष्कर्षसहित लकडाउनको अवधि थप गर्ने निर्णय गरेको सरकारका प्रवक्ता, अर्थ र सञ्चार तथा सूचना प्रविधिमन्त्री डा. युवराज खतिवडाले बताए। </p>
<p>सरकारले यसअघि जारी गरेको लकडाउनको आदेश ११ चैतदेखि लागू भएको थियो। एकसाताका लागि जारी गरिएको सो आदेशको अवधि १८ चैत बिहान ६ बजे सकिँदै थियो।</p>
<p>यसैगरी, अन्तर्राष्ट्रिय सीमा नाका पनि २५ चैत राति १२ बजेसम्मका लागि बन्द हुनेछन्। ढुवानी भने यथावत रहने मन्त्री खतिवडाले बताए। </p>
<p>सरकारले लकडाउन घोषणा गरेयता थप तीन जनामा कोरोना भाइरस संक्रमण पुष्टि भएको छ।</p>
<p>छिमेकी भारतले २१ दिनका लागि लकडाउन घोषणा गरेको छ।</p>
प्रतिक्रिया दिनुहोस्
.jpg)
