हेटौंंडाबाटै कोभिड-१९ को परीक्षण हुने
<p>हेटाैंडा। बागमती प्रदेशका सामाजिक विकासमन्त्री युवराज दुलालले भाेलि, १७ चैतदेखि प्रदेश राजधानी हेटौंडाबाटै कोरोना भाइरस (कोभिड-१९) परीक्षण हुने बताएका छन्।</p>
<p>मन्त्री दुलालले हेटौंंडाको कीटजन्यरोग अनुसन्धान केन्द्र (भीभीडी आरटीसी) मा रहेको प्रयोगशालालाई व्यवस्थित बनाएर कोभिड-१९ को परीक्षण गरिने बताए।</p>
<p>उनले त्यहीँ स्वाब संकलन गरेर त्यहीँ परीक्षण गर्ने र संक्रमित पाइएमा त्यहीँ उपचारका लागि व्यवस्था गरिएको बताए।</p>
<p>मन्त्री दुलालले प्रदेश २ का विभिन्न जिल्लालाई समेत पायक पर्नेगरी हेटाैंडामा प्रयोगशाला सञ्चालन गर्न लागिएको उल्लेख गरे। संक्रमितलाई राख्नका लागि प्रदेश सरकारले मात्र सघन उपचार कक्षसहितको ३०० भन्दा बढी आइसोलेसन कक्ष निर्माण गरेकाे छ।</p>
<p>सबै आइसोलेसन कक्षमा सम्पूर्ण उपकरणसहितको चिकित्सक तथा स्वास्थ्यकर्मी व्यवस्था गरिएको उनले उल्लेख गरे। <em>रासस</em></p>
प्रतिक्रिया दिनुहोस्
.jpg)
