कोभिड-१९ रोकथाम र उपचारका लागि स्थानीय तहमा रकम पठाउने वागमती प्रदेश सरकारको निर्णय
<p>हेटौंडा। वागमती प्रदेश सरकारले कोभिड-१९ रोकथाम तथा उपचारका लागि स्थानीय तहलाई रकम उपलब्ध गराउने निर्णय गरेको छ।</p>
<p>मुख्यमन्त्री डोरमणी पौडेल नेतृत्वको प्रदेशस्तरीय विपद व्यवस्थापन निर्देशक समितिको बैठकले महानगरका समितिलाई २० लाख उपमहानगरलाई १५ लाख, नगरपालिकालाई १२ लाख र गाउँपालिकालाई १० लाख रूपैयाँका दरले रकम दिने निर्णय गरेको हो।</p>
<p>त्यस्तै जिल्ला समन्वय समितिमा बनेको विपद व्यवस्थापन समितलाई पाँच लाख रकम उपलब्ध गराउने निर्णय गरिएको प्रदेश सरकारका प्रवक्ता आर्थिक मामिला तथा योजनामन्त्री कैलाश प्रसाद ढुंगेलले जानकारी दिए।</p>
<p>सो रकम कोरोना भाइरस संक्रमण, रोकथाम एवं उपचार, आइसोलेसन तथा क्वारेन्टाइन निर्माण, स्वास्थ्य सामग्री खरीद, विपन्‍न परिवारलाई राहतका लागि प्रयोग हुनेछ।</p>
<p>हिजै, १६ चैतमा बसेको मन्त्रिपरिषद् बैठकबाट कोरोना भाईरस सङ्क्रमण, नियन्त्रण तथा उपचार सहयोग कार्यबिधी पनि स्वीकृत गरेको छ।</p>
प्रतिक्रिया दिनुहोस्
.jpg)
