गण्डकी प्रदेशको कोभिड-१९ कोषमा १४ लाख ८० हजार १३० रूपैयाँ जम्मा गर्ने नेकपा संसदीय दलको निर्णय
<p>कास्की। सत्तारूढ नेपाल कम्युनिस्ट पार्टी (नेकपा) गण्डकी प्रदेशसभा संसदीय दलले गण्डकी कोभिड-१९ कोषमा १४ लाख ८० हजार १३० रूपैयाँ जम्मा गर्ने भएको छ ।</p>
<p>कोरोना सङ्क्रमण रोकथाम, नियन्त्रण तथा उपचारका लागि स्थापना गरेको सो कोषमा मुख्यमन्त्री तथा मन्त्रीहरुले एक महीनाको तलब उपलब्ध गराउने छन्।</p>
<p>प्रदेशसभा सदस्यहरुले न्यूनतम १५ दिन तथा अधिकतम इच्छाअनुसार पारिश्रमिक उपलब्ध गराउने निर्णय भएको संसदीय दलका सचेतक गायत्री गुरुङले बताए।</p>
<p>गण्डकी प्रदेशसभामा नेकपाका ४० सदस्य छन्।</p>
<p>प्रदेश सरकारले नियुक्त गरेका पदाधिकारीहरुले समेत उक्त कोषमा एक महीनाको पारिश्रमिक जम्मा गर्नेछन्। <em>रासस</em></p>
प्रतिक्रिया दिनुहोस्
.jpg)
