कोभिड-१९ को आशंकामा प्रदेश १ मा ११ जनाको आइसोलेसनमा उपचार हुँदै
<p>विराटनगर। कोरोना भाइरस संक्रमणको आशंकामा प्रदेश १ का विभिन्न अस्पतालमा ११ जनाको उपचार भइरहेको छ।</p>
<p>प्रदेश आपतकालिन कार्य संचालन केन्द्र विराटनगरले हिजो, १६ चैतमा अद्यावधिक गरेको तथ्यांक अनुसार उनीहरूको बिपी कोइराला स्वास्थ्य विज्ञान प्रतिष्ठान धरान, कोशी अञ्‍चल अस्पताललगायतमा उपचार भइरहेको छ।</p>
<p>त्यस्तै पछिल्लो समयमा विदेशबाट फर्किएका ११७ पुरुष र ६२६ महिला गरी कूल ७४३ जना होम क्वारेन्टाइनमा बसेका छन्।</p>
<p>प्रदेश १ भरी १७५ स्थानमा दुई हजार ९४१ बेड क्षमताको क्वारेन्टाइन बनाइएको छ। त्यहाँ ४८७ जना रहेकोमा ८८ जना घर फर्किएका छन्।</p>
<p>यहाँबाट कोभिड-१९ को शंकास्पद ३१ जनाको थ्रोट स्वाब नमूना परीक्षणको राष्‍ट्रिय जनस्वास्थ्य प्रयोगशाला पठाइएकोमा २३ जनाको रिपोर्ट नेगेटिभ आएको छ।</p>
<p>परीक्षणकै क्रममा रहेको बाँकी ८ जनाको रिपोर्ट आउन बाँकी छ।</p>
<p>त्यस्तै ४३ स्थानमा २५७ वटा आइसोलेसन बेड र ३० स्थानमा ३७८ आइसीयू बनाइएको छ।</p>
<p>हिजैदेखि धरानस्थित बिपी कोइराला स्वास्थ्य विज्ञान प्रतिष्ठानबाट कोभिड-१९ को नमूना परीक्षण थालिएको छ।</p>
प्रतिक्रिया दिनुहोस्
.jpg)
