कोरोना भाइरसको संक्रमणबाट जोगिन धनगढीमा केमिकल छर्किँदै सेना
<p>कैलाली । नेपाली सेनाले धनगढी र अत्तरिया बजारमामा कोरोना भाइरस संक्रमणको जोखिम नियन्त्रणका लागि किटनाशक औषधि छर्केको छ।</p>
<p>सेनाको भवानी दल गणले धनगढी उपमहानगरपालिका र गोदावरी नगरपालिकाको सहयोगमा किटनाशक औषधि छर्किएको हो।</p>
<p><img alt="" height="640" src="https://www.dekhapadhi.com/storage/photos/shares/COVID-19/kailali spray.jpg" width="960" /></p>
<p>धनगढी उपमहानगरपालिका र गोदावरी नगरपालिकाको बजार क्षेत्रमा दमकलले क्लोरिन छर्केको गणपति विकास केसीले बताए।</p>
<p>सह सेनानी सुदर्शन उपाध्याय धितालको कमाण्डमा खटिएको मेडिकल टोलीले अत्तरिया चोक, बसपार्क, स्मारक गेट र सैनिक आवासीय महाविद्यालयमा रहेको क्वारेन्टाईन भवनमा किटाणुनाशक औषधि छर्केको छ।</p>
<p>त्यस्तै सेनानी डम्बर शाही नेतृत्वको टोलीले धनगढी कभर्ड हलमा रहेको क्वारेन्टाईन र खुला मैदानमा स्प्रे गरेको छ।</p>
<p> </p>
प्रतिक्रिया दिनुहोस्
.jpg)
