धावनमार्ग छाडेको केहीबेरमै ल्यान्ड गरिएका दुई सैनिक जहाज पुनः उड्ने तयारीमा
<p>काठमाडौं। स्वास्थ्य सामग्री लिएर त्रिभुवन अन्तर्राष्‍ट्रिय विमानस्थलबाट उडेलगत्तै फर्किएका नेपाली सेनाका दुई वटा स्काइ ट्रकले पुनः उडान भर्ने तयारी गरेका छन्।</p>
<p>स्वास्थ्य सामग्री लिएर प्रदेश १ को विराटनगर र सुदूरपश्चिम प्रदेशको धनगढीका लागि उडान भरेलगत्तै चालक दलका सदस्यले पुनः काठमाडौं विमानस्थलमै जहाज आकस्मिक अवतरण गराएका थिए।</p>
<p>जहाजभित्र राखिएको स्यानिटाइजरको गन्ध निस्केपछि चालक दलका सदस्यले उडान भरेलगत्तै फर्काएर विमास्थलमा ल्यान्ड गराएको विमानस्थल स्रोतले जानकारी दिएको छ।</p>
<p>“धावन मार्ग छाडेलगत्तै पुनः ल्यान्ड गराइएको रहेछ”, नागरिक उडडयन प्राधिकरणका प्रवक्ता राजकुमार क्षेत्रीले भने,“फेरि उड्ने तयारीमा रहेको चालक दलका सदस्यले टावरलाई जानकारी दिइसकेका छन्।"</p>
<p>सामान पुनः प्याक गरेर उड्ने तयारी भइरहेको जनाइएको छ।</p>
<p>प्रवक्ता क्षेत्रीले सुर्खेतका लागि उडेको जहाज भने पुग्न लागेको जानकारी दिए।</p>
प्रतिक्रिया दिनुहोस्
.jpg)
