लकडाउन उल्लंघन गर्ने २०१ सवारीसाधन नियन्त्रणमा
<p>काठमाडौं। उपत्यकाबाट लकडाउन उल्लंघन गर्ने २०१ सवारीसाधनलाई नियन्त्रणमा लिइएको छ।</p>
<p>ट्राफिक प्रहरी महाशाखाले दिएको जानकारी अनुसार आज बिहान १० बजेसम्ममा उपत्यकाको विभिन् स्थानबाट ती सवारीसाधन नियन्त्रणमा लिइएको हो।</p>
<p>नियन्त्रणमा लिइएका सवारीसाधनहरूमा १८८ वटा दुई पांग्रे र १३ वटा चार पांग्रे सवारी छन्।</p>
<p>कोभिड-१९ फैलिन नदिन सरकारले देशैभर लकडाउन लागू गरेको छ।</p>
<p>११ चैतदेखि एक साताको लागि घोषणा गरिएको लकडाउन हिजोको मन्त्रिपरिषद बैठकले २५ चैत राति १२ बजेसम्म लम्ब्याउने निर्णय गरेको छ।</p>
<p>कोरोना भाइरस संक्रमणको जोखिमप्रति सावधानि अपनाउँदै नागरिकलाई घरभित्रै सुरक्षित रूपमा बस्न र अनुरोध गरिएको छ।</p>
<p>तर, लकडाउनको अटेर गरेर कामबिना बाहिर निस्किनेलाई प्रहरीले पक्राउ गर्नुका साथे सवारीसाधन नियन्त्रणमा लिँदै आएको छ।</p>
<p> </p>
प्रतिक्रिया दिनुहोस्
.jpg)
