ग्यास सिलिन्डर बोकाएर सडकमै यातना दिने प्रहरीमाथि छानबिन थालियो
<p>काठमाडौं। नेपाल प्रहरीले हिजो लकडाउनका क्रममा ग्यास सिलिन्डर बोकेका एक व्यक्तिलाई काँधमा सिलिन्डर बोक्न लगाएर बीच सडकमा बसाएर यातना दिने प्रहरी कर्मचारीमाथी छानबिन भइरहेको जनाएको छ।</p>
<p>नेपाल प्रहरीले आफ्नो फेसबुक पेजमार्फत् उक्त कार्यलाई गम्भिरतापूर्वक लिएको र आवश्यक छानबिन भइरहेको जनाएको हो।</p>
<p>सामाजिक संजालमा प्रहरी कर्मचारीले सर्वसाधारणलाई ग्यासको सिलिन्डर बोकाएर सडकमा बसाएको तस्वीर भाइरल भएपछि प्रहरीको चर्को आलोचना भइरहेको छ।</p>
<p>सामाजिक संजालकै माध्यमबाट यातना दिने प्रहरीलाई कारबाही गर्न माग बढेसँगै प्रहरीले छानबिन प्रक्रिया शुरू गरेको सार्वजनिक गरेको हो।</p>
<p>लकडाउनकै क्रममा केहीदिन अघि पनि विभिन्न जिल्लाहरुमा लाठीले प्रहार गरेको, मुर्गा बनाएको लगायतका तस्वीर र भिडिओ पनि सार्वजनिक भएका थिए।</p>
<p>प्रहरीले ती घटनामा पनि अमानवीय कार्य भएको भन्दै संलग्नलाई विभागीय कारबाही भइरहेको बताएको छ।</p>
प्रतिक्रिया दिनुहोस्
.jpg)
