सीमा बन्द हुँदा धार्चुलामा अलपत्र नेपाली महाकाली पौडेर भित्रिँदै, एकजना पक्राउ (भिडिओसहित)
<p>दार्चुला । सीमा नाका बन्द हुँदा भारतमा अलपत्र परेका नेपालीहरू महाकाली नदीमा पौडेर नेपाल भित्रिन थालेका छन्।</p>
<p>उनीहरू ट्युबको सहायतामा घर आउन थालेका हुन्।</p>
<p>महाकाली नदीमा पौडी खेलेर नेपाल आएका एकजनालाई प्रहरीले पक्राउ गरेको छ।</p>
<p>पक्राउ पर्नेमा बैतडीको डिलाशैनी गाउँपालिका- १ कोटपेट्टराका ४८ वर्षीय इन्द्रराज खत्री रहेका छन्।</p>
<p>उनलाई नेपाल प्रहरी र सशस्त्र प्रहरीको संयुक्त टोलीले नियन्त्रणमा लिएको हो । </p>
<p>प्रहरी नियन्त्रणमा रहेका खत्रीले सीडीओसँग पुल खोलेर अलपत्र परेका नेपालीलाई घर फर्काउन पहल गरिदिन आग्रहका लागि नेपाल छिरेको बताएको प्रहरीले जनाएको छ ।</p>
<p>भारतको रीमामा मजदुरी गर्दै आएका खत्री लकडाउनका कारण सीमा बन्द हुँदा धार्चुलामा चार दिनदेखि अलपत्र परेका थिए।</p>
<p>यसअघि चार जना ट्युबमा चढेर नेपाल आएका थिए । लेकम गाउँपालिका वडा नम्बर-३ लालीबाट उनीहरू नेपाल प्रवेश गरेका हुन्।</p>
<p>लेकम गाउँपालिका-३ का वडा अध्यक्ष राजेन्द्रप्रसाद जोशीका अनुसार भारततर्फका नागरिकले उनीहरूलाई प्रतिव्यक्ति एक हजार रूपैयाँ लिएर ट्युबमा नेपाल तारिदिएका छन्।</p>
<p><img alt="" height="720" src="https://www.dekhapadhi.com/storage/photos/shares/COVID-19/dharchula 111.jpg" width="960" /></p>
<p>भारतको पिथौरागढका विभिन्न स्थानमा मजदुरी गर्नेहरू कोरोना त्रासका कारण घर फर्किएका हुन्। उनीहरू सीमा नाका सिल गरिदाँ चारदिनदेखि सडकमै बस्न बाध्य छन् ।</p>
<p>उनीहरूलाई नेपाल ल्याउनका लागि उच्चस्तरीय समितिले निर्देशन दिइसकेको छ ।</p>
<p>तर, नेपाल ल्याएर उनीहरूको व्यवस्थापन कसरी गर्ने भन्ने विषयमा छलफल भइरहेको दार्चुलाका प्रमुख जिल्ला अधिकारी यदुनाथ पौडेलले जानकारी दिए।</p>
<p><iframe frameborder="0" height="590" scrolling="no" src="https://www.youtube.com/embed/efLvl2MoQMM" width="750"></iframe></p>
<p> </p>
प्रतिक्रिया दिनुहोस्
.jpg)
