स्वास्थ्य सामग्री लिएर धनगढी र विराटनगर उड्यो सैनिक जहाज
<p>काठमाडौं। अकस्मात अवतरण गरिएको स्वास्थ्य सामग्री बोकेको नेपाली सेनाको स्काइ ट्रकले पुनः उडान गरेको छ।</p>
<p>नेपाली सेनाका प्रवक्ता सहायक रथी विज्ञानदेव पाण्डेले विराटनगर र धनगढीका लागि सामान बोकेर जहाज उडिसकेको जानकारी दिए।</p>
<p>आज बिहान प्रदेश १ को विराटनगर, सुदूरपश्चिमको धनगढी र कर्णाली प्रदेशको सुर्खेतमा कोभिड-१९ को परीक्षण र उपचारमा प्रयोग हुने अत्यावश्यक स्वास्थ्य सामग्री लिएर तीन वटा स्काइ ट्रक उडेका थिए।</p>
<p>सुर्खेत उडेको जहाज गन्तव्यमा पुगे पनि धनगढीका लागि ७ बजेर ३० मिनेटमा काठमाडौं विमानस्थलको धावनमार्गबाट उडेको जहाज पुनः त्रिभुवन अन्तर्राष्ट्रिय विमानस्थलमै ७ बजेर ४५ मिनेटमा आकस्मिक अवतरण गरिएको थियो।</p>
<p>जहाजमा स्यानिटाइजरको गन्ध आएर बीचबाटै धनगढीका लागि उडेको जहाज पुनः अवतरण गरेपछि विराटनगरका लागि उड्ने तयारीमा रहेको जहाजले पनि उडान रद्द गरेको थियो।</p>
<p>अन्य प्रदेशहरुमा भने गाडीबाट नै सामान ढुवानी भइरहेको छ।</p>
प्रतिक्रिया दिनुहोस्
.jpg)
