महेन्द्रनगरका व्यापारी साहद्वारा वृद्धवृद्धालाई खाद्यान्न वितरण
<p>काठमाडौं। कञ्चनपुरको महेन्द्रनगरस्थित महिला तथा वृद्ध सेवा केन्द्रमा रहेका वृद्धवृद्धाहरूलाई त्यहाँका व्यापारी हरिकृष्ण साहले आवश्यक खाद्यान्न उपलब्ध गराएका छन्। लकडाउनका समयमा आवश्यक खाद्य सामग्री अभाव झेलिरहेका वेला साहले उपलब्ध गराएका हुन्।</p>
<p>आज बिहान वृद्ध सेवा केन्द्रमा पुगेर व्यापारी साहले एक क्‍विन्टल चामल, ५० किलो आलु, दाल, नुन तेल, फलफूललगायत वितरण गरेका हुन्। </p>
<p>उक्त वृद्धाश्रममा ६२ जना वृद्धवृद्धा, हिंसा पीडित महिला र केही आश्रित बालबालिका बस्दै आएका छन्।</p>
<p>महेन्द्रनगरमै रहेको अञ्चल बाल अनाथालय र अर्को वृद्धाश्रममा पनि खाद्यान्न वितरण गर्न लागेको व्यापारी साहले बताए।</p>
<p> </p>
प्रतिक्रिया दिनुहोस्
.jpg)
