अस्पतालहरूलाई स्वास्थ्य विभागले भन्यो- 'स्वास्थ्यकर्मीहरूको स्वास्थ्य सुरक्षामा ध्यान दिनू'
<p>काठमाडौं। स्वास्थ्य सेवा विभागले कोभिड-१९ को प्रकोप बढिरहेको बेला उपचारमा खटिने स्वास्थ्यकर्मीहरूको स्वास्थ्य सुरक्षामा ध्यान दिन अस्पतालहरूलाई निर्देशन दिएको छ। </p>
<p>विभागले अस्पतालमा कार्यरत कर्मचारीलाई इन्फ्लुएन्जाको लक्षण देखिएमा कम्तिमा १० दिन वा निको नभएसम्मका लागि विदा दिन र निगरानीमा राख्न भनेको छ।</p>
<p>विभागका महानिर्देशक महेन्द्रप्रसाद श्रेष्ठले पत्रचार गरेर यस्तो निर्देशन दिएका हुन्।</p>
<p>त्यस्तै मधुमेह, उच्च रक्तचाप, दम, श्‍वासप्रश्‍वासमा समस्या भएका, सुत्केरी तथा गर्भवती कर्मचारीलाईहरूलाई कोरोना भाइरस संक्रमणको शंकास्पद बिरामीहरूको प्रत्यक्ष उपचार र व्यवस्थापनको काममा नखटाउन विभागले निर्देशन जारी गरेको छ।</p>
<p> </p>
प्रतिक्रिया दिनुहोस्
.jpg)
