पशुपक्षीलाई आहाराको व्यवस्था मिलाउँदै काठमाडौं महानगरपालिका
<p>काठमाडौं। काठमाडौं महानगरपालिकाले सडकमा रहेका चौपाया र चराचुरुङ्गीलाई खानेकुरा खुवाउने भएको छ।</p>
<p>लकडाउनका कारण मानिसहरु घर बाहिर निस्किन नपाउँदा सडकमा रहेका कुकुर, गाई, बाँदरलगायतका चौपायाले खानेकुरा खान पाएका छैनन्।</p>
<p>मेयर विद्यासुन्दर शाक्यको अध्यक्षतामा हिजो, १७ चैतमा बसेको कार्यपालिका बैठकले त्यसका लागि सबै वडामा खर्च पठाउने निर्णय गरेको छ।</p>
<p>प्रमुख शाक्यले भने, “राहत वितरणलगायत कार्यका लागि केन्द्रले यसअघि नै ठूला वडालाई चार लाख, मझौला वडालाई तीन लाख र साना वडालाई थप निकासा दिएको छ । आवश्यक पर्‍यो भने पुनः पैसा दिने निर्णय भएको छ ।” </p>
<p>काठमाडौं महानगरपालिकाले कोभिड-१९ सम्बन्धी राहत वितरण मापदण्ड-२०७६ पनि स्वीकृत गरेको छ । <em>रासस</em></p>
प्रतिक्रिया दिनुहोस्
.jpg)
