दुई युवकलाई कुटपिट गर्ने सशस्त्र प्रहरीका हवल्दारलाई निलम्बन गरियो
<p>काठमाडौं। भारतीय सीमा क्षेत्रबाट खाद्यान्‍न लिएर घरतर्फ फर्किँदै गर्दा सप्तरीको राजविराजमा दुई युवकलाई नदी किनारमा यातना दिने सशस्त्र प्रहरी हवल्दार मनोज चौधरीलाई निलम्बन गरिएको छ।</p>
<p>६ नम्बर गण सप्तरीमा कार्यरत् रहेका हवल्दार चौधरीलाई गणले निलम्बन गरेको सशस्त्र प्रहरी बल नेपालका प्रवक्ता डीआईजी प्रविणकुमार श्रेष्ठले <em>देखापढी</em>लाई बताए।</p>
<p>लकडाउनको समयमा सामान किनेर फर्किरहेका सप्तरीको बलान बिहुल गाउँपालिका–३ मौवाहाका हरेकृष्ण साह र चन्द्र यादवलाई नदी किनारमा सशस्त्र प्रहरीका जवानले कुटपिट गरेको भिडिओ सामाजिक संजाहरूमा भाइरल भएको थियो।</p>
<p>भिडओ सार्वजनिक भएलगत्रै सशस्त्र प्रहरी बलले गणपतिलाई निर्देशन दिएर छानबिन गर्न भनेको थियो। हवल्दार चौधरीलाई निलम्बन गरेर आवश्यक अनुसन्धान भइरहेको सशस्त्र प्रहरी बलले जनाएको छ।</p>
<p>हवल्दार चौधरीले पहिले एकजना युवकलाई लाठीले पिटेका छन्। पछि दुवैजनालाई घोप्टो पर्न लगाएर ढाडमा कुटपिट गरेका छन्।</p>
<p>कान समात्न लगाएर उनीहरूलाई नदी किनारको बालुवामा घिस्रिन लगाएर कठोर यातना समेत दिइएको भिडिओमा देखिन्छ।</p>
प्रतिक्रिया दिनुहोस्
.jpg)
