साढे १९ लाखबढि रकमसहित ३१ जुवाडे पक्राउ
<p>काठमाडौं। प्रहरीले गए राति छुट्टाछुट्टै ठाउँबाट १९ लाख ६३ हजार ५०२ रूपैंयासहित ३१ जना जुवाडेहरूलाई पक्राउ गरेको छ।</p>
<p>महानगरीय प्रहरी वृत्त बौद्धको टोलीले काठमाडौैंको बुढानीलकण्ठ नगरपालिका कपनस्थित नोर्बु लामाको घर भाडामा लिएर रमेश तामाङले जुवा खेलाइरहेको बेला राति २ बजे २१ जनालाई पक्राउ गरेको छ।</p>
<p>उनीहरुको साथबाट १८ लाख ९२ हजार रूपैंया बरामद गरिएको बौद्धका प्रहरी नायव उपरीक्षक रमेशबहादुर सिंहले जानकारी दिए। </p>
<p>त्यस्तै नवलपरासीको गैँडाकोट–१० मा राजकुमार सुनारको घरमा जुवातास खेलिरहेका १० जनालाई प्रहरीले पक्राउ गरेको छ। </p>
<p>उनीहरुको साथबाट ७१ हजार ५०२ रूपैंया बरामद भएको प्रहरीले बताएको छ। </p>
प्रतिक्रिया दिनुहोस्
.jpg)
