आन्तरिक हवाई उडान पनि ३ वैशाखसम्म स्थगित, आकस्मिक उडान भर्न पाइने
<p style="text-align:justify">काठमाडौं। आन्तरिक वायु सेवा कम्पनीको उडान पनि ३ वैशाखसम्मको लागि स्थगित गरिएको छ। </p>
<p style="text-align:justify">नागरिक उड्ड्यन प्राधिकरणले आज सूचना प्रकाशन गरेर १५ अप्रिल (३ वैशाख)को मध्यरातिसम्म आन्तरिक वायु सेवाको उडान स्थगित गरिएको बताएको हो।</p>
<p style="text-align:justify">मन्त्रिपरिषद्को १६ चैतको बैठकले नेपाल आउने सबै अन्तर्राष्ट्रिय उडान ३ वैशाखसम्म स्थगित गरेको थियो।</p>
<p style="text-align:justify">नेपाल सरकारले लकडाउन गरेको कारण आन्तरिक वायु सेवाको उडान स्थगित गरिएको प्राधिकरणले बताएको छ। </p>
<p style="text-align:justify">यद्यपि, मन्त्रिपरिषदले भने २५ चैतसम्म्मको लागि लकडाउन लम्ब्याएको छ। त्यसपछि लकडाउन खुले पनि आन्तरिक वायु सेवा कम्पनीहरूले उडान भर्न पाउँदैनन्। </p>
<p style="text-align:justify">तर, आकस्मिक अवस्थामा चार्टर्ड फ्लाइट, एअर एम्बुलेन्स र मेडिकल सामग्री ढुवानीका लागि भने प्राधिकरणबाट अनुमति दिएर वायुसेवा कम्पनीले सेवा दिन सक्नेछन्।</p>
<p style="text-align:justify">यसअघि सरकारले आजसम्मको लागि वायुसेवा कम्पनीहरूको उडान स्थगित गरेको थियो।</p>
<p style="text-align:justify">मन्त्रिपरिषदको सबै निर्णयहरू सार्वजनिक नभएको हुँदा वायुसेवा कम्पनीहरू भोलिबाट आन्तरिक उडान के हुने भन्ने अन्यौलमा थिए। </p>
.jpg)
