नेपाल लाइफले थप गर्याे दुई वटा अनलाइन सेवा
<p>काठमाडौं। नेपाल लाइफ इन्स्योरेन्सले थप दुई वटा सेवालाई अनलाइन मार्फत दिन थालेको छ।</p>
<p>अहिले कोरोना भाइरस संक्रमणबाट बच्‍नको लागि घरमै बस्‍नुपर्ने भएकाले नेपाल लाइफले परिपक्‍वता दावी र क्लेम इन्टिमेशन सेवा घरबाटै लिन सक्ने सुविधा दिएको छ।</p>
<p>परिपक्‍वता दावी अन्तर्गत बीमितहरूले बीमा लेख परिपक्व हुने समयावधीको जानकारी लिन सक्नेछन्। जसमा दावीको समय पुगेका बीमितहरुले बीमा लेखको परिपक्‍वता दावीको प्रक्रिया अघि बढाउन सक्ने कम्पनीले बताएको छ।</p>
<p>त्यसैगरी, क्लेम इन्टिमेशन सेवा अन्तर्गत दावीकर्ताहरुले घरमै बसेर अनलाइन मार्फत नेपाल लाइफको वेबसाइटमा दावी सम्बन्धी जानकारी दिन सक्छन्। त्यसैको आधारमा नेपाल लाइफका कर्मचारीहरुले दावी भुक्तानी प्रक्रिया आगाडि बढाउने कम्पनीले बताएको छ।</p>
<p>लकडाउनको अवस्थामा पनि सेवाग्राहीलाई प्रभावकारी सेवा दिनको लागि भर्चुअल अफिसको रूपमा घरबाटै सेवा लिन सक्ने व्यवस्था मिलाइएको कम्पनीले आज जारी गरेको विज्ञप्तिमा उल्लेख गरेको छ।</p>
<p> <br />
</p>
प्रतिक्रिया दिनुहोस्
.jpg)
