आजदेखि धनगढी र पोखरामै कोभिड-१९ को परीक्षण हुने
<p>काठमाडौं। प्रयोगशालाको विस्तार गर्दै आजदेखि पोखरा र धनगढीबाट पनि कोभिड-१९ को नमूना परीक्षण शुरू गरिने भएको छ।</p>
<p>त्यसका लागि हिजै, १८ चैतमा पीसीआर उपकरणहरू सम्बन्धित ठाउँमा पुर्‍याइएको स्वास्थ्य मन्त्रालयका प्रवक्ता डा. विकास देवकोटाले जानकारी दिएका छन्।</p>
<p>धरानस्थित बिपी कोइराला स्वास्थ्य विज्ञान प्रतिष्ठानमा यसअघि १६ चैतबाटै कोभिड-१९ को नमूना परीक्षण शुरू गरिसकिएको थियो।</p>
<p>हिजो पोखरा र धनगढीमा नेपाली सेनाको हेलिकप्टरबाट प्रयोगशालामा प्रयोग हुने उपकरणहरू लगेर जडान गरिएको स्वास्थ्य मन्त्रालयले जनाएको छ।</p>
<figure class="image"><img alt="" height="511" src="https://www.dekhapadhi.com/storage/photos/shares/COVID-19/Kailali-corona-test-machine.jpg" width="960" />
<figcaption>हिजो धनगढी पुर्‍याइएको प्रयोगशालाको सामान।</figcaption>
</figure>
<p>जनकपुरमा पनि पनि प्रयोगशालाका लागि उपकरण पठाइसकिएको छ। त्यस्तै बुटवल र सुर्खेतमा पनि केही दिनमै पठाइने छ।</p>
<p>हेटौंडामा भने त्यहीँ रहेको प्रयोगशालालाई प्रयोग गर्ने गरी प्राविधिक टोली पठाइएको छ।</p>
<p>अन्य स्थानमा पनि आवश्यकता अनुसार प्रयोगशाला विस्तार गरिने प्रवक्ता देवकोटाले हिजो प्रेस ब्रिफिङमा जानकारी गराएका छन्।</p>
<p>अहिलेसम्म कूल एक हजार ६० जनाको नमूना परीक्षण गरिएको छ। तीमध्ये ५ जनामा कोरोना भाइरस संक्रमण पोजेटिभ देखिएको छ।</p>
<p>एकजना निको भइसकेका छन् भने चारजना विभिन्न अस्पतालमा आइसोलेसनमा उपचाररत् छन्।</p>
प्रतिक्रिया दिनुहोस्
.jpg)
