कोभिड-१९ को उपचारमा विदेशी विज्ञसँग अनुभव साटासाट गर्न पाटन अस्पतालमा टेलि कन्फ्रेन्स
<p>काठमाडौं। कोभिड-१९ का बिरामीको उपचार विधिको अनुभव आदानप्रदान गर्न ललितपुरस्थित पाटन अस्पतालमा टेलि कन्फ्रेन्स शुरू गरिएको छ।</p>
<p>टेलि कन्फ्रेन्समार्फत् छिमेकी मुलुकहरूमा भइरहेका कार्यको अपडेट भइ उपचार प्रक्रियालाई थप प्रविधिमैत्री बनाउन सहज हुने स्वास्थ्य तथा जनसंख्या मन्त्रालयले जनाएको छ।</p>
<p>"आवश्यकता अनुसार अन्य देशका विज्ञहरूसँग कुरा गरेर एक-अर्काबीचका प्रयास र अनुभव शेयरिङ गर्न सजिलो हुनेछ", मन्त्रालयका प्रवक्ता डा. विकास देवकोटाले भने।</p>
<p>सरकारले टेकुस्थित शुक्रराज ट्रपिकल तथा सरुवा रोग अस्पताल, पाटन अस्पताल, सशस्त्र प्रहरी अस्पतालमा कोरोना भाइरस संक्रमितको उपचार गर्ने व्यवस्था मिलाएको छ।</p>
<p>नेपालमा हालसम्म ५ जनामा कोरोना भाइरस संक्रमण पोजेटिभ देखिएको छ।</p>
<p>एकजना निको भइसकेका छन् भने चारजना विभिन्न अस्पतालमा आइसोलेसनमा उपचाररत् छन्।</p>
प्रतिक्रिया दिनुहोस्
.jpg)
